Kinderrympies
Kinderrympies


'n Eerste tematiese, tweetalige geillustreerde kinderwoordeboek in volle kleur.

Vrolike rympies ondersteun die bekende temas.

Die liggaamsdele, kleure en vorms, aktiwiteite en syfers vul die temas aan.

Direkte assosiasie tussen voorwerp en woord.



A first thematic bilingual illustrated wordbook in full colour.

Cheerful rhymes support the familiar themes.

The parts of the body, shapes and colours, activities and figures complement the themes.

Direct association between object and word.


Rondomtalie: Rympies en Liedjies (Boek + CD)
Maak gereed vir hope kleuterpret in hierdie pragboek met 'n CD by! Wat kry jy wanneer drie van die land se talentvolste kunstenaars kragte saamspan en 'n kleuterboek die lig laat sien? Hope pret, natuurlik! In Rondomtalie verskyn 'n prettige keur uit die gewilde en bekroonde kinderrympie-koning Jaco Jacobs se kleuterversies, pragtig deur die talentvolle kunstenaar Karen Ahlschlager geillustreer. En om als te kroon bevat die boek ook 'n CD waarop die veelbekroonde toonsetter en sangeres Anna Davel haar fantastiese toonsettings van al 30 versies sing! Kom ry saam op die Teddiebeerbus, ontmoet vir Bambino die reus van Bitterbos, galop op die rug van 'n wilde perd, soek goggas in die tuin of hou 'n kussinggeveg! Die boek bevat altesaam 30 rympies en 30 liedjies. Hierdie pragpublikasie beloof ure se vermaak vir kleuters - en is 'n trotse toevoeging tot enige kleuter se boekrak en musiekversameling!
Inhoud/Speellys 1. Kielie-kabouter 2. Bambino, die reus van Bitterbos 3. Grootmeneer 4. 'n Dag by die dieretuin 5. VoĆ«ltjies hou van sing 6. Spat in die bad 7. Dinosouruspret 8. Slaap, Sibongile 9. Skoppelmaai 10. Padda op 'n klip 11. Klop, klop, klop 12. Tande borsel 13. Teddie se wiegelied 14. Tien pikkewyne 15. Wilde perd 16. Spring 17. Winkel toe 18. Hande klap 19. Kattermaai 20. Trapsoetjies 21. Die Teddiebeerbus 22. Blokkies 23. My klere het gekrimp 24. Blou ballon 25. Wolke 26. Goggas 27. As jy mooi vra 28. Voor die spieël 29. Daar's 'n beer in my bed 30. Kussinggeveg


Wat soek 'n haai in die skool se swembad? Hoe lank is 'n weerwolf se humeur? Is enige iets erger as skottelgoed was? Wat is 'n huis sonder 'n moeder? Is 'n draak die perfekte troeteldier? Wat soek jou ouma op die Pick n Pay se dak? Hoekom dra bere nie klere nie? Wat sou gebeur het as die maan 'n pizza was? Waarom is daar so min rympies oor erdvarke? Bestaan daar iets soos 'n spaghettiboom? Wat moet jy doen as 'n renoster jou jaag? Hoe klink die perfekte monsterbrul? Wat eet Dracula vir nagereg? Kan jy jou eie elmboog lek? Jy sal die antwoorde op al hierdie vrae in die lawwe lekkerlagboek vind. Moenie hierdie boek eet nie! bevat 365 rympies (en 'n bonusrympie vir 'n skrikkeljaar) wat kinders (en grootmense!) heeljaar sal laat skaterlag! Daar's rympies oor oupas en oumas, goggas, krieket, ruimtevaarders, seerowers, spoke, skooltoilette, erdvarke, Kersvader, krokodille, volstruismelk, Valentynsdag, en dinge wat baie sleg ruik... Daar's lawwe limerieke, heerlike haikoes en tawwe tongknopers! Jaco Jacobs se GROOTSTE en SNAAKSSTE rympiebundel OOIT is 'n moet-hê-boek vir elke kind se boekrak!


Min mammas en pappas is bewus daarvan dat kleuterrympies 'n geweldige belangrike bousteen in hul kleuter se taalkundige en emosionele ontwikkeling vorm. Kenners oor leesvaardigheid en kinderontwikkeling het bevind dat kinders wat op vier jaar oud minstens agt kleuterrympies kan opsê op agt gewoonlik die beste lesers in hul ouderdomsgroep is.

           


Afrikaanse kleuterrympies

Blink vosperd, Die kat kom weer
Bobbejaan klim die berg, Kabouterman
Duimpie, Apie, Vingerling & Trippe trappe trone
Hansie Slim, Hoedjies van papier, Tortelduifie
Hoendertjie speel, Tik- & drukspeletjie, Treinrympie & Wielie Walie
Hoe ry die boere? Perdjie
Klop, klop, klop, Handjies klap, Kennewippie
Saai die waatlemoen, Kittie, Rokkies, So ry die trein
Slaap my kindjie, Mandjie rose

Meer Kleutersrympies



Apie op 'n stokkie
Daar's 'n apie op 'n stokkie
voor my ma se agterdeur,
daar's 'n gaatjie in sy broekie
en sy stertjie loer daardeur.




Raaiselrympie...
So groen soos gras,
so wit soos was,
so rooi soos bloed
so suikersoet!
Wat is ek... ('n waterlemoen)



Skoon hande
Hier is nou iets wat ek moet leer:
my hande was ek elke keer
net voor ek eet; dit is gesond
so bly die kieme uit my mond
(Elizabeth Snyman)

Spreukryme

  • Al dra 'n aap 'n goue ring, hy bly tog maar 'n lelike ding.

  • Hy is nes 'n volstruis, waar hy kom is hy tuis.

  • Van die hand tot die mond, val die pap op die grond.

    Stukkend
    Kyk hoe lyk my motortjies
    almal het alreeds gebreek!
    Pappa se my speelgoedjies
    hou nie langer as 'n week.
    (Elizabeth Snyman)

  • Swart skaap
    Swart skaap, swart skaap,
    het jy baie wol?
    Ja baas, ja baas,
    drie sakke vol.
    Een vir die nooi,
    en een vir die baas,
    en een vir die seuntjie wat so baie kan raas.

    Tien klein paddatjies
    Tien klein paddatjies kom sit in 'n kring,
    bring julle boekies en laat ons sing.
    Maak julle bekkies wawyd oop
    en sing vir my so soet soos stroop.
    Kwak-kwak-kwak,
    Kwek-kwek-kwek,
    Tien klein paddatjies maak my gek!
    (W. D. Bosman)

    Trein ry
    Sakke, pakke,
    sout en peper;
    gee my stoom
    dan loop ek beter!
    (Pieter W. Grobbelaar)

    Vingerling
    Duimpie het in ide water geval,
    Lekkerpot het hom uitgehaal,
    Langeraad het hom huis toe gedra,
    Fielavlooi het hom neergelê
    en Pinkie het vir Ma gaan sê.
    (DJ Opperman)



    Wippie en Snippie
    Wippie en Snippie loer uit 'n gaatjie,
    Wip is 'n muisie en Snip is sy maatjie.
    Wippie en Snippie daar kom die groot kat,
    Woeps spring die twee muisies weer terug in die gat.


    " Na Bo "

    KOPIEREG 2009-2019 KLEUTERS.   ALLE REGTE VOORBEHOU.