Afrikaanse Kinderliedjies

Hier is 'n versameling van 'n paar gewilde aksieliedjies en Jesus-liedjies, met die liedjies se woorde.
Tradisionele Afrikaanse kinderliedjies en volksliedjies raak ongelukkig al hoe minder bekend.
Daarom het ons hierdie lysie saamgestel om die kosbare liedjies lewendig te hou en aan die volgende geslag oor te dra. Kom ons sing, speel en geniet weer saam die wonderlike wëreld van Afrikaanse kinderliedjies!

Aksie liedjies                                     Jesus liedjies

Aai, aai, die witborskraai

Aai aai die witborskraai,
hiervandaan na Mosselbaai.
Hooggevlieg en laaggeswaai,
by die groot see omgedraai

Raai, raai Janpiet Kepaai,
het sy rietgeweer gelaai.
Tier gaan skiet by Mosselbaai,
nooit nie weer daar omgedrai.

Fooi, fooi, Stefaans du Toit,
het gaan kuier by n nooi.
Met sy rietperd in die Baai,
dadelik weer daar omgedraai.

Afrikaners is plesierig

Afrikaners is plesierig
dit kan jy my glo,
hulle hou van partytjies
en dan maak hulle so:

Eers draai die ou vroutjie
en dan draai haar ou man
en hy vat haar om haar lyfie
en dan draai hulle saam.

Goeienag, my ou vroutjie,
goeienag, my ou man!
Oor 'n week 'n partytjie,
en dan draai ons weer saam.

Al lê die berge nog so blou

Al lê die berge nog so blou,
al lê die berge nog so blou,
al lê die berge nog so blou,
haar woorde sal ek steeds onthou.

Maar die moet julle darem weet,
maar die moet julle darem weet,
maar die moet julle darem weet,
haar woorde sal ek nooit vergeet.

Nou gaan sy weg met 'n lekker hart,
nou gaan sy weg met 'n lekker hart,
nou gaan sy weg met 'n lekker hart,
hier sit ek nou in pyn en smart.

Al woon my bokkie nog so ver,
al woon my bokkie nog so ver,
al woon my bokkie nog so ver,
dan troos ek my aan die môrester.

Bennie Boekwurm

Ek is die speelkamer se Bennie,
daar is geen storie wat ek nie ken nie.
Hier in my huisie onder die grond,
staan die boeke oral rond.
Bo-op die lessenaar en op die rak,
dis boeke hier tot reg teen die dak.

Ek is die speelkamer se Bennie,
daar is geen storie wat ek nie ken nie.
Stories vertel dis waarvan ek hou,
as hulle roep gaan ek tog gou.
Al met die tonnel langs moet ek hou,
en bring 'n storie net vir jou

Want ek is die speelkamer se Bennie,
daar is geen storie wat ek nie ken nie.

Bobbejaan klim die berg

Bobbejaan klim die berg, so haastig en so lastig;
bobbejaan klim die berg, so haastig en so lastig;
bobbejaan klim die berg om die boere te vererg.
Hoera vir die jollie bobbejaan!
O moenie huil nie, o moenie treur nie,
die Stellenbosse boys kom weer.
O moenie huil nie, o moenie treur nie,
die Stellenbosse boys kom weer.

Daar kom die Alibama

Daar kom die Alibama, die Alibama die kom oor die see.
Daar kom die Alibama, die Alibama die kom oor die see.
Nooi, nooi, die rietkooi, nooi, die rietkooi is gemaak,
die rietkooi is vir my gemaak om daarop te slaap.
Nooi, nooi, die rietkooi, nooi, die rietkooi is gemaak,
die rietkooi is vir my gemaak om daarop te slaap.
Die Alibama, die Alibama, die Alibama kom oor die see.
Die Alibama, die Alibama, die Alibama kom oor die see.

Daar kom die Alibama, die Alibama die kom oor die see.
Daar kom die Alibama, die Alibama die kom oor die see.
Die Alibama, die Alibama, die Alibama kom oor die see.
Die Alibama, die Alibama, die Alibama kom oor die see.

Die Blinkvos perd

Aai aai die witborskraai,
O, ek het 'n perd, 'n blink vosperd met 'n splinternuwe saal;
en ek klim op my perd, my blink vosperd, en ek kom om jou te haal.
Want jy't gesê as ek jou wil hê dan moet ek jou kom haal
op 'n mooi ryperd, 'n blink vosperd, met 'n splinternuwe saal;
op 'n mooi ryperd, 'n blink vosperd, met 'n splinternuwe saal.

En nou't ek 'n nooi, 'n mooie nooi en een ding is maar klaar:
is die oes eers verby, saal'k op en ry met my blink vosperd na haar
om haar te vra om met my te trou, my vosperd blink mos mooi.
Op 'n flink galop ry ek na haar, sy's my plaas se nuwe nooi;
op 'n flink galop ry ek na haar, sy's my plaas se nuwe nooi.

En nou's ons getroud en het 'n span van twaalf groot seuns as kroos;
en elkeen wil nou 'n vosperd hê om 'n nooi'ntjie te gaan troos!
Ag luister tog na goeie raad: as jy 'n vosperd kry,
ry dan liewer rond op jou eie plaas waar jy nooi'ntjies kan vermy;
ry dan liewer rond op jou eie plaas waar jy nooi'ntjies kan vermy!

Die Dapper muis

Ek's 'n dapper muis, kyk hoe stap ek deur die huis,
en daar's niks waarvoor ek skrik nie.
Vir niemand is ek bang, daar is niks wat my kan vang,
nee daar's niks waarvoor ek skrik nie.

En sê nou daar's 'n kat!
Oe, 'n kat!
Ja, 'n kat met 'n huis wat altyd hunker na 'n muis.
Ag nou ja!
Buiten vir 'n kat, is daar niks waarvoor ek skrik nie.

Ek's 'n dapper muis, kyk hoe stap ek deur die huis,
en daar's niks waarvoor ek skrik nie.
Vir niemand is ek bang, daar is niks wat my kan vang,
nee daar's niks waarvoor ek skrik nie.

En sê nou daar's 'n valletjie
Oe, 'n valletjie!
Ja, 'n ding wat val met 'n gruwelike knal.
Ag nou ja!
Buiten vir 'n kat en 'n valletjie,
is daar niks waarvoor ek skrik nie.

Ek's 'n dapper muis, kyk hoe stap ek deur die huis,
en daar's niks waarvoor ek skrik nie.
Vir niemand is ek bang, daar is niks wat my kan vang,
nee daar's niks waarvoor ek skrik nie.

En sê nou daar's 'n uil.
Oe, 'n uil!
Ja, 'n uil van wie muise altyd skuil.
Ag nou ja!
Buiten vir 'n kat en 'n valletjie en 'n uil,
is daar niks waarvoor ek skrik nie.

En wat van 'n lawaai, soos 'n haan wat kraai,
en 'n gebr /eek en 'n gekraak en iets wat tjiep-tjiep maak.
En 'n geklingel en 'n getingel en 'n gekletter en 'n geknetter,
en 'n boems en 'n kardoems.

Waar's jy?

O buiten vir 'n kat met 'n gryns wat altyd hunker na 'n muis
en 'n ding wat val met 'n gruwelike knal
en 'n uil in die nag wat vir muise sit en wag
en 'n huis met 'n lawaai soos 'n haan wat kraai.
'n Gebr /eek, 'n gekraak, iets wat tjiep-tjiep maak.
'n Getjingel, 'n getingel, 'n gekletter, 'n geknetter
en 'n boem en 'n kardoems
Oe-eee!
Is daar niks waarvoor ek skrik nie.

Jy Jok!

Die lappop

Iemand het 'n lappop op 'n ashoop weggegooi,
sy was gedaan en stukkend,
verbleik en nie meer mooi nie.
Op die ashoop hoor sy stemme praat
en die verwelkom haar.
Maar o, ellende, toe sy kyk,
wat sien die lappop daar.

KOOR:
net 'n vrot pampoen en 'n stukkend skoen,
'n grammefoonplaat en 'n kous sonder maat,
net 'n leë bottel bier en verlepte angelier,
'n gelapte binneband en 'n ou koerant.


Ag hoe droewig voel die lappop,
toe sy alleen daar le,
want sy weet dat niemand ooit vir haar
vir lappop weer wil he nie.
'n Traan loop oor haar lappop wang
want dit begin te reen
en daar lê sy, sy ou lappoppie
op die ashoop so alleen.

(KOOR)

Ag nee wat sê die lappop,
ek soek 'n ander oord.
Wat sal die wêreld van my dink,
want soort jy weet, soek soort.
Ag almal wil vir lappop troos
en soebat sy moet bly,
hulle sê dis die mooiste ashoop die
wat 'n mens nog ooit kan kry.

(KOOR)

Al die goeters op die ashoop hou gou vergadering
en besluit om lappop te bekroon,
as die ashoop koningin.
Van toe af bly die lappoppie so trots tevrede daar
en al haar onderdane bedien getrou vir haar.

Ja die vrot pampoen en die stukkende skoen
Die grammefoonplaat en die kous sonder maat
Ja die leë bottel bier, die verlepte angelier
Die gelapte binneband en die ou koerant

Die padda wou gaan opsit

Die padda wou gaan opsit met sy nooi in die vlei, ahum
Die padda wou gaan opsit met sy nooi in die vlei, ahum
Die padda wou gaan opsit met sy nooi in die vlei
Maar 'n opsitkers kon hy nêrens kry,
ahum, ahum, ahum

Hy vra toe vir Vuurvlieg om sy lig uit te huur, ahum
Hy vra toe vir Vuurvlieg om sy lig uit te huur, ahum
Hy vra toe vir Vuurvlieg om sy lig uit te huur
Die vuurvlieg sê toe ja teen 'n sent 'n uur,
ahum, ahum, ahum

Die twee loop toe af na die nooi se huis, ahum
Die twee loop toe af na die nooi se huis, ahum
Die twee loop toe af na die nooi se huis
Die huis in die vlei van Mejuffrou Muis,
ahum, ahum, ahum

Toe Padda die vuurvlieg se lampie wou leen, ahum
Toe Padda die vuurvlieg se lampie wou leen, ahum
Toe Padda die vuurvlieg se lampie wou leen
moes hy hierdie ontstellende nuus verneem,
ahum, ahum, ahum

Vuurvlieg se lig was aan sy stert vasgesweis, ahum
Vuurvlieg se lig was aan sy stert vasgesweis, ahum
Vuurvlieg se lig was aan sy stert vasgesweis
Hy sou moes opsit saam met Padda en sy muis
ahum, ahum, ahum

Die padda het die vuurvlieg maar huis toe gestuur, ahum
Die padda het die vuurvlieg maar huis toe gestuur, ahum
Die padda het die vuurvlieg maar huis toe gestuur
Want 'n opsitkers teen 'n sent 'n uur
en 'n luistervink daarby is gans te duur ahum, ahum, ahum

(c) R. van Tonder

Dis heerlike lente

Dis heerlike lente, die winter's verby;
weer nooi berg' en klowe vir jou en vir my.
Hol-la-dri-o-ha, hol-la-dri-o.
Hol-la-dri-o-ha, hol-la-dri-o!

Die bergklim is heerlik, dit hou mens gesond.
Die vroe-, vroee more het goud in die mond.
Hol-la-dri-o-ha, hol-la-dri-o.
Hol-la-dri-o-ha, hol-la-dri-o!

Haasdas se nuuskas

KOOR:
Ons kyk na Haas Das se nuuskas - vroegaand net na 6
Ons kyk na Haas Das se nuuskas - dis die grootste pret
Ons kyk na Haas Das se nuuskas - groot en klein kyk saam
Al die nuus uit Diereland br /ing Haas Das vanaand

Hasie kwas, die groot lawaai hardloop dat dit kraak
Maar Skillie het die geelwortels oor sy pad gesaai
Hasie eet hom trommeldik en raak toe aan die slaap
En Skillie word organiseerderskorps se eerste kandidaat

[ KOOR ]

Groot Oom Slapoor Olifant het 'n créche begin
Waar al die dierekindertjies saam kan speel en sing
Maar die stoute apies het vir dae lank geraai
Sou hulle aan Oom Olifant se slurp of stertjie swaai

[ KOOR ]

Piet Muis het die laat berig haastig ingebr /ing
Die stoeigeveg op Leeupark is nou net die ding
Droster, die renoster het vir Krokkie uitgedaag
En niemand weet Ou Krokodil gaan 'n masker dra .

Hansie slim

Hansie slim, berg wil klim, in die wye wêreld in,
stok en hoed pas hom goed, hy is vol van moed.

Maar die moederhart is seer,
Hans is in die huis nie meer,
hoor nou net, moeder sug,
hardloop gou-gou terug.

Heidi

Ho-la-di-hou, Ho-la-di-hou

Heidi, Heidi, jou wêreld is in die berge.

Heidi, Heidi, dis jou tuiste en jou geluk.

Donker bome, groene veld in die sonneskyn.

Heidi, Heidi, laat jou glimlag nooit verdwyn.

Jo-le-di-ho, Jo-le-di-ho, Jo-le-di-ho, Jo-le-di-ho,
Jo-le-di-ho, Jo-le-di-ho, Jo-le-di-ho, Jo-le-di-ho,
Jo-le-he, Jo-le-he-he-ho.

Heidi, Heidi, kom tog gou, bring geluk,
ons verwelkom jou terug.

Jy woon daar in die berge, 'n kleine paradys.
Jou vriende is die diere, jul lag en speel so bly.

Van lente tot die somersdag sal almal op jou wag.
Jou liefde is so rein en mooi, nou gloei die Alpe rooi.

Heidi, Heidi, speel met Peter en Josef.

Heidi, Heidi, wys vir Snoekie die hemelblou.

Sonskyn, dae, in die berge van Switzerland.

Heidi, Heidi, jy bly ons lieflingskind.

Jo-le-di-ho, Jo-le-di-ho, Jo-le-di-ho, Jo-le-di-ho,
Jo-le-di-ho, Jo-le-di-ho, Jo-le-di-ho, Jo-le-di-ho,
Jo-le-he, Jo-le-he-he-ho.

Heidi, Heidi, kom tog gou, bring geluk,
ons verwelkom jou terug.

Jan Pierewiet

Jan Pierewiet, Jan Pierewiet, Jan Pierewiet, staan stil.
Jan Pierewiet, Jan Pierewiet, Jan Pierewiet, staan stil.
Goeie môre my vrou, hier's 'n soentjie vir jou.
Goeie môre my man, daar is koffie in die kan.

Liewe Heksie

Wie is liewe Heksie,
wie wil nog graag weet,
luister na haar liedjie,
dan sal jul nie vergeet.

Hulle noem my Liewe Heksie,
maar Lefienja is my naam,
ek's die slimste heksie wat ek ken
en ek was al op die maan.

Matewis is my maatjie,
hy's die mooiste baba kat,
ek weet nie wat hy sê nie,
maar hy's 'n liewe skat.

Waar woon Liewe Heksie
en hoe lyk haar huis,
waar al haar vriende saam kom,
in haar sterretjie kombuis.

Ek en Blommie kabouter,
woon in Blommeland so mooi,
as 'n gifappel die silwer roos wil vat,
word hy in die tronk gegooi.

Ons het 'n vriend so deftig,
wat kom kuier uit die stad,
hy't 'n kuil en 'n helikopter
en sy naam is Karel kat.

Ons het 'n gawe Koning,
al kan hy vir ons br /om,
sy naam is Koning Roos se Krans
en ons is lief vir hom.

Nou ken jul Liewe Heksie,
die wat graag wil weet,
jul ken nou ook haar liedjie
en sal dit nie vergeet.

My Sarie Marais

My Sarie Marais is so ver van my hart,
maar'k hoop om haar weer te sien.
Sy het in die wyk van die Mooirivier gewoon,
nog voor die oorlog het begin.

O br /ing my t'rug na die ou Transvaal,
daar waar my Sarie woon,
daar onder in die mielies by die groen doringboom,
daar woon my Sarie Marais,
daar onder in die mielies by die groen doringboom,
daar woon my Sarie Marais.

Pinnochio

Pi-no-chio, Pi-no-chio

Hout kabouter, jy's 'n stouter,
jy laat jou tog so maklik vang.
en raak dan altyd vreeslik bang,
jou klein kalant.

Wie's jou maatjie, plat voet vaatjie,
haar naam is Gina en sy kwaak.
As jy vir haar dit moeilik maak,
jou klein kalant.

Pi-no-chio, Pi-no-chio

Ou Gi-pe-to, kyk net hierso,
jou seuntjie is 'n marionet.
Hy's baie lief en baie pret,
die klein kalant.

Gulietta, sy kan so kla,
maar soos ons almal sien sy gou.
Sy's baie lief vir Pinochio,
die klein kalant.

Pi-no-chio, Pi-no-chio

Houtkop kindjie, nuutste seuntjie,
wat jou mannewalis met ons deel.
Jy het ons harte weggesteel,
jou klein kalant.

Pi-no-chio, Pi-no-chio

Saai die waatlemoen

Saai die waatlemoen,
saai die waatlemoen,
saai die waatlemoen,
saai die waatlemoen!
My mamma roei die skuitjie,
my pappa blaas die fluitjie,
my boetie draai die orreltjie,
saai die waatlemoen!

So ry die trein

So ry die trein, so ry die trein, die Kimberley se trein.
So ry die trein, so ry die trein, die Kimberley se trein.
Hoor daar hoe stoom hy, stoom hy, stoom hy,
opdraand en afdraand, Kimberley se trein.

Stapsoldaatjie

Ek is nie 'n stap soldaatjie nie,
'n ry soldaatjie nie,
'n vlieg soldaatjie nie.
Ek is nie 'n skiet soldaatjie nie,
maar ek is Jesus se soldaatjie, ja meneer.

Ek is Jesus se soldaatjie, ja meneer
Ek is Jesus se soldaatjie, ja meneer

Ek is nie 'n stap soldaatjie nie,
'n ry soldaatjie nie,
'n vlieg soldaatjie nie.
Ek is nie 'n skiet soldaatjie nie,
maar ek is Jesus se soldaatjie, ja meneer.

Suikerbossie

Suikerbos ek wil jou hê,
Suikerbos ek wil jou hê,
Suikerbos ek wil jou hê,
wat sal jou mamma daarvan sê.

Dan loop ons so onderdeur die maan,
dan loop ons so onderdeur die maan,
dan loop ons so onderdeur die maan,
ek en my suikerbossie saam.

Sy kan nie kos kook nie, haar kos is rou;
sy kan nie brood bak nie, haar brood is brou;
sy kan nie tee maak nie, haar tee is flou;
tog wag ek Suikerbossie net vir jou.

Trippe Trappe Trone

Trippe trappe trone,
die varkies in die bone,
die koeitjies in die klawer,
die perdjies in die hawer,
die eendjies op die waterplas,
die gansies op die groene gras,
eendjies in die waterplas,
ek wens dat kindjie groter was
om al die diertjies op te pas.<

Vader Jakob

Vader Jakob, Vader Jakob,
slaap jy nog? Slaap jy nog?
Hoor hoe lui die kerkklok,
hoor hoe lui die kerkklok:
Ding dong del! Ding dong del!

Vanaand gaan die volkies koring sny

Vanaand gaan die volkies koring sny, koring sny,
en vanaand gaan die volkies koring sny, koring sny.
My geliefde hang in die bos,
my geliefde hang in die bos,
my geliefde hang in die bitterbessiebos.

Vat jou goed en trek

Vat jou goed en trek, Ferreira, vat jou goed en trek!
Agter die bos is 'n klompie perde, vat jou goed en trek!
Swaar dra, al aan die een kant,
swaar dra, al aan die een kant,
swaar dra, al aan die een kant,
Jannie met die hopel been!

Wielie wielie walie

Wielie-wielie-walie,
die aap sit op die balie.
Tjoef-tjaf val hy af.
Wielie-wielie-walie.

Kyk hoe swaai hy draai hy
klim hy op dan val hy af.
Kyk hoe swaai hy draai hy
tjoef-tjaf val hy af.

Wielie-wielie-walie,
die aap sit op die balie.
Tjoef-tjaf daar val hy af.
Wielie-wielie-walie.